"Arsenal" yarim himoyachisi Martin Edegor jamoasining Premyer-liganing 14-turida "Brentford"ga qarshi o‘yinidan oldin o‘z fikrlarini bildirdi.
"Bugun kechqurun yana bir muhim o‘yinimiz bor va biz yana tayyor bo‘lamiz. "Brentford"dan nimani kutishni bilamiz. Ular dam olish kunlari bemalol g‘alaba qozongan yaxshi, ishonchli jamoa. Ularning sifati bor va biz ularning tayyor bo‘lishlarini bilamiz. Biz yana bir qiziqarli o‘yinni kutmoqdamiz. Uyda bo‘lish yaxshi va ishonchim komilki, barcha muxlislarimiz bugungi o‘yinni intiqlik bilan kutishadi", - deya klub rasmiy sayti Edegorning so‘zlaridan iqtibos keltiradi.
Angliya Premyer-ligasida o‘tkazilgan 13 ta o‘yindan so‘ng, "Arsenal" 30 ochko bilan turnir jadvalida yetakchilik qilmoqda. "Brentford" 19 ochko bilan 12-o‘rinda.
