"Арсенал" ярим ҳимоячиси Мартин Эдегор жамоасининг Премьер-лиганинг 14-турида "Брентфорд"га қарши ўйинидан олдин ўз фикрларини билдирди.
"Бугун кечқурун яна бир муҳим ўйинимиз бор ва биз яна тайёр бўламиз. "Брентфорд"дан нимани кутишни биламиз. Улар дам олиш кунлари бемалол ғалаба қозонган яхши, ишончли жамоа. Уларнинг сифати бор ва биз уларнинг тайёр бўлишларини биламиз. Биз яна бир қизиқарли ўйинни кутмоқдамиз. Уйда бўлиш яхши ва ишончим комилки, барча мухлисларимиз бугунги ўйинни интиқлик билан кутишади", - дея клуб расмий сайти Эдегорнинг сўзларидан иқтибос келтиради.
Англия Премьер-лигасида ўтказилган 13 та ўйиндан сўнг, "Арсенал" 30 очко билан турнир жадвалида етакчилик қилмоқда. "Брентфорд" 19 очко билан 12-ўринда.
