Madridning "Real" klubi safarlar seriyasini yakunladi. "Qaymoqranglilar" ketma-ket oltita safar o‘yinini o‘tkazdi, ulardan oxirgisi Bilbaoning "Atletik" klubiga qarshi kechdi va 3:0 hisobida g‘alaba qozondi. Yakshanba kuni madridliklar o‘z uyida "Selta"ni qabul qiladi.

"Ketma-ket oltita safar o‘yinidan so‘ng "Bernabeu"ga qaytish juda yoqimli bo‘ladi. Bunaqasi kamdan-kam bo‘ladi va biz allaqachon stadionimizni, muxlislarni va ularning qo‘llab-quvvatlashini sog‘inyapmiz", - deya Alonsoning so‘zlarini keltiradi Madrid Universal.

"Real" La Liga 15-turidan keyin 36 ochko bilan 2-o‘rinda bormoqda.