"Kristal Pelas" markaziy hujumchisi Jan-Filipp Mateta kelasi yozda jamoani tark etishi mumkin. Bu haqda The Sun Football nashri xabar bermoqda.

Manbaga ko‘ra, agar "burgutlar" 28 yoshli fransuz bilan yangi shartnoma borasida kelisha olmasa, u bo‘yicha yozgi takliflarni eshitishga tayyor. Klubdagilar Mark Gexi bilan bog‘liq voqeani takrorlashni istashmayapti. "Kristal Pelas" Matetaning sotuvidan 57 million yevrodan ko‘proq daromad olishni rejalashtirmoqda.

Joriy mavsumda Mateta barcha turnirlarda 23 ta o‘yinda maydonga tushib, 9 ta gol urdi va 2 ta golli uzatmani o‘z hisobiga yozdirib qo‘ydi.