"Vulverxempton" darvozaboni Joze Sa faoliyatini "Vest Xem"da davom ettirishi mumkin. Bu haqda Football Insider nashri xabar bermoqda.
Manbaga ko‘ra, "bolg‘achilar" "Lids"dan uchralgan mag‘lubiyatdan so‘ng (1:3) "bo‘rilar" zaxirasida qolib ketayotgan 32 yoshli portugaliyalik posbonni diqqat bilan kuzatmoqda. "Vest Xem" bosh murabbiyi Nunu Eshpiritu Santu Sa bilan tanish va uning o‘yiniga yuqori baho bermoqda. Bitim yanvar oyida amalga oshirilishi mumkin.
Joriy mavsumda Sa barcha musobaqalarda beshta o‘yinda maydonga tushib, 15 ta gol o‘tkazib yubordi. Darvozabonning "Vulverxempton" bilan shartnomasi 2027 yilning yarmigacha mo‘ljallangan. Transfermarkt ekspertlari futbolchining narxini yetti million yevroga baholamoqda.
