"Manchester Siti" bosh murabbiyi Xosep Gvardiola hamkasbi - "Chelsi" ustozi Enso Mareskani maqtadi. Londonliklar hafta davomida Premyer-ligada "Lids"ga 1:3 hisobida yutqazdi.
"Enso Mareska - dunyoning eng yaxshi murabbiylaridan biri. Uning "Chelsi"da qilayotgan ishlari yetarlicha baholanmayapti. Klublar o‘rtasidagi jahon chempionatida g‘olib chiqdi, Konferensiyalar Ligasida g‘olib chiqdi, shunday yosh jamoa bilan murakkab ligada Chempionlar Ligasiga chiqdi - bu ajoyib yutuqlar.
U "Lids" bilan o‘yinda rotasiya qildi va nima bo‘ldi? Sen yutishing-yutishing-yutishing, keyin esa yutqazishing-yutqazishing-yutqazishing mumkin. Bunday narsa faqat shu ligada, shu mamlakatda bo‘lishi mumkin," - dedi Gvardiola jurnalistlarga.
6 dekabr, shanba kuni "Manchester Siti" Premyer-liga doirasida "Sanderlend"ga qarshi uy uchrashuvini o‘tkazadi.













