"Манчестер Сити" бош мураббийи Хосеп Гвардиола ҳамкасби - "Челси" устози Энцо Марескани мақтади. Лондонликлар ҳафта давомида Премьер-лигада "Лидс"га 1:3 ҳисобида ютқазди.
"Энцо Мареска - дунёнинг энг яхши мураббийларидан бири. Унинг "Челси"да қилаётган ишлари етарлича баҳоланмаяпти. Клублар ўртасидаги жаҳон чемпионатида ғолиб чиқди, Конференциялар Лигасида ғолиб чиқди, шундай ёш жамоа билан мураккаб лигада Чемпионлар Лигасига чиқди - бу ажойиб ютуқлар.
У "Лидс" билан ўйинда ротация қилди ва нима бўлди? Сен ютишинг-ютишинг-ютишинг, кейин эса ютқазишинг-ютқазишинг-ютқазишинг мумкин. Бундай нарса фақат шу лигада, шу мамлакатда бўлиши мумкин," - деди Гвардиола журналистларга.
6 декабрь, шанба куни "Манчестер Сити" Премьер-лига доирасида "Сандерленд"га қарши уй учрашувини ўтказади.
