Sobiq futbolchi, agent sifatida ishlagan Barri Silkman portugaliyalik futbolchi Krishtianu Ronaldu o‘z vaqtida "Chelsi"ga o‘tishi mumkinligi haqida esladi.
Bu voqea Ronalduning 2003 yilda "Manchester Yunayted"ga o‘tishidan avval sodir bo‘lgan.
“Men Ronalduning agenti Jorje Mendesh bilan kelishib olgandim. Ammo "Chelsi" "yo‘q" dedi. Ronalduning narxi 3,5 million yevro edi va bu summadan oshgan barcha mablag‘ klub bilan 50 ga 50 bo‘linardi. Krishtianu mavsumoldi tayyorgarlikda "Manchester Yunayted"ga qarshi o‘ynadi, ularni tor-mor qildi va ular 11,5 million to‘lashdi. Mendesh cho‘ntagiga 4 million solgan bo‘lishi kerak. Men shokka tushganman!” — dedi Silkman The Telegraph nashriga.
Hozirda Portugaliya terma jamoasining 40 yoshli yulduzi Saudiya Arabistonining "An-Nasr" klubida to‘p surmoqda.













