"Arsenal" Chempionlar Ligasi musobaqasining 6-turida "Bryugge" mehmoni bo‘ldi va 3:0 hisobida g‘alaba qozondi. Uchrashuv "Yan Breydel" stadionida bo‘lib o‘tdi.
Londonliklar safida Noni Madueke dubl qayd etgan bo‘lsa, yana bir gol Gabriel Martinelli hisobiga yozildi.
"Arsenal" ECHLning umumiy bosqichida barcha o‘yinlarda g‘alaba qozondi va 18 ochko bilan turnir jadvalida peshqadamlik qilmoqda. "Bryugge" (4) esa 31-pog‘onadan joy olgan.
20 yanvar kuni Chempionlar ligasida ingliz klubi safarda "Inter" bilan o‘ynaydi, Belgiya jamoasi esa shu kuni "Qayrat" bilan kuch sinashadi.
YECHL. 6-tur
11 dekabr, 01:00
Bryugge - Arsenal - 0:3
Gollar: Madueke, 25 (0:1). Madueke, 47 (0:2). Martinelli, 56 (0:3)
Bryugge: van den Xevel, Ordonyes, Mexele, Seys (Sabbe, 74), Sike (Meyer, 67), Onyedika (Vetlesen, 74), Stankovich, Vanaken, Tzolis, Borjesh (Dyakon, 83), Tresoldi (Furo, 67)
Arsenal: Rayya, Inkapye (Kalafyori, 63), Nergor, Lyuis-Skelli, Uayt (Selmon, 83), Subimendi, Merino, Edegor (Nvaneri, 72), Martinelli, Madueke (Saka, 71), Dyekeresh (Gabriel Jezus, 62)
Ogohlantirishlar: Nergor, 65. Uayt, 68
