"Арсенал" Чемпионлар Лигаси мусобақасининг 6-турида "Брюгге" меҳмони бўлди ва 3:0 ҳисобида ғалаба қозонди. Учрашув "Ян Брейдел" стадионида бўлиб ўтди.

Лондонликлар сафида Нони Мадуэке дубль қайд этган бўлса, яна бир гол Габриэль Мартинелли ҳисобига ёзилди.

"Арсенал" EЧЛнинг умумий босқичида барча ўйинларда ғалаба қозонди ва 18 очко билан турнир жадвалида пешқадамлик қилмоқда. "Брюгге" (4) эса 31-поғонадан жой олган.

20 январь куни Чемпионлар лигасида инглиз клуби сафарда "Интер" билан ўйнайди, Бельгия жамоаси эса шу куни "Қайрат" билан куч синашади.

ЕЧЛ. 6-тур
11 декабрь, 01:00
Брюгге - Арсенал - 0:3
Голлар: Мадуэке, 25 (0:1). Мадуэке, 47 (0:2). Мартинелли, 56 (0:3)
Брюгге: ван ден Хевел, Ордоньес, Мехеле, Сейс (Саббе, 74), Сике (Мейер, 67), Оньедика (Ветлесен, 74), Станкович, Ванакен, Тзолис, Боржеш (Дьякон, 83), Тресольди (Фуро, 67)
Арсенал: Райя, Инкапье (Калафьори, 63), Нергор, Льюис-Скелли, Уайт (Сэлмон, 83), Субименди, Мерино, Эдегор (Нванери, 72), Мартинелли, Мадуэке (Сака, 71), Дьекереш (Габриэл Жезус, 62)
Огоҳлантиришлар: Нергор, 65. Уайт, 68