UFC’ning og‘ir vazn toifasidagi sobiq chempioni, hozirda PFL jangchisi bo‘lgan 39 yoshli kamerunlik Frensis Ngannu og‘ir vazn toifasida WBA reytingida 14-raqamli amerikalik Jeyk Polning raqibi Jervonte Devis o‘rniga ringga chiqish taklifi uni chalg‘itganini tan oldi.

"Jeykning menejeri men bilan bog‘lanib, Jervonta Devisda muammolar borligini, shuning uchun u unga qarshi jangga chiqa olmasligini aytdi. Ular o‘rinbosar izlashdi, keyin men haqimda o‘ylashdi. Men shunchaki dovdirab qoldim. Qanday qilib Jervonta Devisdan menga o‘tdingiz? Hatto ishonmadim ham. Shaxsan men pul haqida gapirmadim, lekin u to‘lashga tayyor edi. Ular menga ancha-muncha pul to‘lamoqchi bo‘lishdi... Bu juda tushunarsiz edi.

Shaxsan menga Jeyk juda yoqadi, lekin boshqa tomondan, bu yigit sizni g‘azablantiradi va biroz jahlingizni chiqaradi. Balki men uni shunchaki kaltaklamoqchidirman... Bu yomon bo‘lmasdi", - deya Ngannuning so‘zlarini keltiradi jurnalist Ariel Xelvani o‘zining X ijtimoiy tarmog‘idagi sahifasida.