UFC’нинг оғир вазн тоифасидаги собиқ чемпиони, ҳозирда ПФЛ жангчиси бўлган 39 ёшли камерунлик Френсис Нганну оғир вазн тоифасида WBA рейтингида 14-рақамли америкалик Жейк Полнинг рақиби Жервонте Дэвис ўрнига рингга чиқиш таклифи уни чалғитганини тан олди.
"Жейкнинг менежери мен билан боғланиб, Жервонта Дэвисда муаммолар борлигини, шунинг учун у унга қарши жангга чиқа олмаслигини айтди. Улар ўринбосар излашди, кейин мен ҳақимда ўйлашди. Мен шунчаки довдираб қолдим. Қандай қилиб Жервонта Дэвисдан менга ўтдингиз? Ҳатто ишонмадим ҳам. Шахсан мен пул ҳақида гапирмадим, лекин у тўлашга тайёр эди. Улар менга анча-мунча пул тўламоқчи бўлишди... Бу жуда тушунарсиз эди.
Шахсан менга Жейк жуда ёқади, лекин бошқа томондан, бу йигит сизни ғазаблантиради ва бироз жаҳлингизни чиқаради. Балки мен уни шунчаки калтакламоқчидирман... Бу ёмон бўлмасди", - дея Нганнунинг сўзларини келтиради журналист Ариэл Хелвани ўзининг Х ижтимоий тармоғидаги саҳифасида.
