Angliya Premyer-ligasida noyabr oyining eng yaxshi murabbiyi aniqlandi. Sovrinni "Chelsi" ustozi Enso Mareska qo‘lga kiritdi.
O‘tgan oyda "Chelsi" Premyer-ligada 4ta o‘yin o‘tkazdi. Ularda Mareska jamoasi bir durang bilan uchta g‘alabaga erishdi.
Jamoaning bu davrdagi natijalarini quyida keltiramiz:
"Tottenxem" - "Chelsi" 0:1;
"Chelsi" - "Vulverxempton" 3:0;
"Byornli" - "Chelsi" 0:2;
"Chelsi" - "Arsenal" 1:1.
Ko‘rib turganimizdek, "Chelsi" noyabr oyidagi chempionatning to‘rtta o‘yinida atigi bitta gol o‘tkazib yubordi.
Ayni paytda "Chelsi" Premyer-liga turnir jadvalida beshinchi o‘rinda bormoqda. Mareska jamoasi keyingi o‘yinni 13 dekabr kuni o‘z maydonida "Everton"ga qarshi o‘tkazadi.
