Англия Премьер-лигасида ноябрь ойининг энг яхши мураббийи аниқланди. Совринни "Челси" устози Энцо Мареска қўлга киритди.
Ўтган ойда "Челси" Премьер-лигада 4та ўйин ўтказди. Уларда Мареска жамоаси бир дуранг билан учта ғалабага эришди.
Жамоанинг бу даврдаги натижаларини қуйида келтирамиз:
"Тоттенхэм" - "Челси" 0:1;
"Челси" - "Вулверхэмптон" 3:0;
"Бёрнли" - "Челси" 0:2;
"Челси" - "Арсенал" 1:1.
Кўриб турганимиздек, "Челси" ноябрь ойидаги чемпионатнинг тўртта ўйинида атиги битта гол ўтказиб юборди.
Айни пайтда "Челси" Премьер-лига турнир жадвалида бешинчи ўринда бормоқда. Мареска жамоаси кейинги ўйинни 13 декабрь куни ўз майдонида "Эвертон"га қарши ўтказади.
