Madridning "Real" klubi navbatdagi o‘yini La Liga doirasida "Alaves"ga qarshi o‘tkazadi. Yakshanba kungi o‘yinni jarohat yoki diskvalifikasiya tufayli Karvaxal, Militao, Trent, Kamavinga, Endrik, Alaba, Karreras, Fran Garsiya va Mendi o‘tkazib yuborishi aniq.
Bundan tashqari, Mbappe, Valverde va Xyoysenning bo‘lajak uchrashuvda ishtirok etishi so‘roq ostida turibdi. O‘yin 14 dekabr, yakshanba kuni bo‘lib o‘tadi.
La Ligada "Real" peshqadam "Barselona"dan 4 ochko ortda qolgan holda 2-o‘rinda bormoqda. Chempionatning o‘tgan turida madridliklar o‘z maydonida "Selta"ga 0:2 hisobida imkoniyatni boy bergandi.
