«Pari Sen-Jermen» bosh murabbiyi Luis Enrike qanot hujumchisi Usmon Dembelening tiklanish jarayoni haqida o‘z fikrlarini bildirdi.

«Biz uning maydonga eng yaxshi holatda qaytishini istaymiz. Bu ham jamoa, ham uning o‘zi uchun yoqimsiz vaziyat. U qanday foyda keltira olishini juda yaxshi bilamiz. Ammo hozircha uning yo‘qligiga ko‘nikish va uni eng yaxshi formada qaytarish uchun barcha ishni qilishimiz kerak.

So‘nggi kunlarda u kasal bo‘lib qoldi, shundan so‘ng yana individual mashg‘ulotlarga kirishdi — bu tiklanish jarayonining bir qismi. Biz har bir jarohat olgan futbolchi bilan ishlashda nihoyatda ehtiyotkor bo‘lishimiz shart», — dedi Enrike klub rasmiy saytida e’lon qilingan intervyuda.

Bugun, 13 dekabr kuni, «PSJ» Liga 1 doirasida mehmonda «Mets» jamoasiga qarshi maydonga tushadi.