«Пари Сен-Жермен» бош мураббийи Луис Энрике қанот ҳужумчиси Усмон Дембеленинг тикланиш жараёни ҳақида ўз фикрларини билдирди.

«Биз унинг майдонга энг яхши ҳолатда қайтишини истаймиз. Бу ҳам жамоа, ҳам унинг ўзи учун ёқимсиз вазият. У қандай фойда келтира олишини жуда яхши биламиз. Аммо ҳозирча унинг йўқлигига кўникиш ва уни энг яхши формада қайтариш учун барча ишни қилишимиз керак.

Сўнгги кунларда у касал бўлиб қолди, шундан сўнг яна индивидуал машғулотларга киришди — бу тикланиш жараёнининг бир қисми. Биз ҳар бир жароҳат олган футболчи билан ишлашда ниҳоятда эҳтиёткор бўлишимиз шарт», — деди Энрике клуб расмий сайтида эълон қилинган интервьюда.

Бугун, 13 декабрь куни, «ПСЖ» Лига 1 доирасида меҳмонда «Метц» жамоасига қарши майдонга тушади.