Hujumchi Gonsalo Garsiya bu mavsumda kam o‘yin amaliyotiga ega bo‘lmoqda. Qishda 21 yoshli futbolchi "Real"ni tark etib, o‘zi muntazam to‘p tepadigan jamoaga o‘tib ketishi mumkin.
Transfer News Live nashrining Marca’ga tayanib xabar berishicha, Gonsalo Garsiyaga beshta klub qiziqish bildirmoqda. Ushbu ro‘yxatdan "Aston Villa", "Lids", "Brayton", "Vulverxempton" va "Ayntraxt" klublari o‘rin olgan.
Nufuzli Transfermarkt portali mutaxassislari Garsiyani 15 million yevroga baholamoqda.
2025/2026 yilgi mavsumda Garsiya "Real"ning 14 ta o‘yinida maydonga tushib, biror marta ham gol ura olmagan. Shu bilan birga, yozda klublar o‘rtasidagi jahon chempionatida Gonsalo oltita o‘yinda to‘rtta gol urdi.













