Ҳужумчи Гонсало Гарсия бу мавсумда кам ўйин амалиётига эга бўлмоқда. Қишда 21 ёшли футболчи "Реал"ни тарк этиб, ўзи мунтазам тўп тепадиган жамоага ўтиб кетиши мумкин.
Transfer News Live нашрининг Marca’га таяниб хабар беришича, Гонсало Гарсияга бешта клуб қизиқиш билдирмоқда. Ушбу рўйхатдан "Астон Вилла", "Лидс", "Брайтон", "Вулверхэмптон" ва "Айнтрахт" клублари ўрин олган.
Нуфузли Transfermarkt портали мутахассислари Гарсияни 15 миллион еврога баҳоламоқда.
2025/2026 йилги мавсумда Гарсия "Реал"нинг 14 та ўйинида майдонга тушиб, бирор марта ҳам гол ура олмаган. Шу билан бирга, ёзда клублар ўртасидаги жаҳон чемпионатида Гонсало олтита ўйинда тўртта гол урди.
