Braziliyalik hujumchi Gabriel Jezus Londonning "Arsenal" klubini tark etib, faoliyatini Italiya chempionatining top-klubida davom ettirishi mumkin. Bu haqda Corriere dello Sport jurnalistlariga ma’lum bo‘ldi.

Manbaga ko‘ra, "kanonirlar" hujumchisining transferiga "Milan" klubi qiziqish bildirmoqda. "Rossonerilar" xo‘jayinlari 28 yoshli braziliyalikni yanvar transferlar davrida ijaraga olishga urinib ko‘radi.

Joriy mavsumda Gabriel londonliklar jamoasining bor yo‘g‘i 2 ta o‘yinida qatnashib, gol ura olmadi. Jezusning "Arsenal" bilan mehnat shartnomasi 2027 yilning yozida yakuniga yetadi. Braziliyalikning bozor narxi - 20 million yevro.