"Manchester Yunayted" bosh murabbiyi Ruben Amorim APL doirasidagi "Bornmut"ga (4:4) qarshi o‘yindan keyin klub yangi himoyachilar sotib olishi kerakmi, degan savolga javob qaytardi.
Mankunianliklar bu mavsumda 16 o‘yinda 26ta to‘p o‘tkazib yubordi.
- Hujumga sarflangan mablag‘ jamoaga o‘z samarasini bergani aniq. Bu jihatni yaxshilash uchun hozir mudofaa chizig‘iga sarmoya kiritish kerakmi?
- Yo‘q, menimcha, bizda iqtidorli himoyachilar bor. Himoyada sifatli o‘yinchilarimiz bor. Biz jamoa sifatida himoyada yaxshiroq o‘ynashimiz kerak.
Hujum haqida qayg‘urganimiz yaxshi bo‘ldi. Demak, biz rivojlanyapmiz. Ammo mudofaa bilan vaziyat bunday emas.
Bizda [himoyada o‘ynash uchun] barcha kerakli sifatlar bor, ammo birgalikda ishlashimiz va futbolchilarimizni rivojlantirishimiz kerak, chunki ularda yaxshiroq himoyalanish imkoniyati bor, - dedi Ruben Amorim.
