"Манчестер Юнайтед" бош мураббийи Рубен Аморим АПЛ доирасидаги "Борнмут"га (4:4) қарши ўйиндан кейин клуб янги ҳимоячилар сотиб олиши керакми, деган саволга жавоб қайтарди.
Манкунианликлар бу мавсумда 16 ўйинда 26та тўп ўтказиб юборди.
- Ҳужумга сарфланган маблағ жамоага ўз самарасини бергани аниқ. Бу жиҳатни яхшилаш учун ҳозир мудофаа чизиғига сармоя киритиш керакми?
- Йўқ, менимча, бизда иқтидорли ҳимоячилар бор. Ҳимояда сифатли ўйинчиларимиз бор. Биз жамоа сифатида ҳимояда яхшироқ ўйнашимиз керак.
Ҳужум ҳақида қайғурганимиз яхши бўлди. Демак, биз ривожланяпмиз. Аммо мудофаа билан вазият бундай эмас.
Бизда [ҳимояда ўйнаш учун] барча керакли сифатлар бор, аммо биргаликда ишлашимиз ва футболчиларимизни ривожлантиришимиз керак, чунки уларда яхшироқ ҳимояланиш имконияти бор, - деди Рубен Аморим.
