"Manchester Yunayted" bosh murabbiyi Ruben Amorim APL 16-turidan o‘rin olgan "Bornmut"ga qarshi o‘yinning yakuniy natijasi haqida fikr bildirdi.
Eslatib o‘tamiz, mankunianliklar o‘z maydonida 4:4 hisobida durang qayd etishdi.
"Tomoshabinlar uchun tomoshabop o‘yin bo‘ldi. Biz juda yaxshi boshladik, hisob butunlay boshqacha bo‘lishi kerak edi, ammo ikkinchi bo‘limning olti daqiqasida e’tiborni yo‘qotdik - raqib ikkita gol urdi. Bunday o‘yinlarni tugatishni bilish kerak," - dedi Amorim matbuot anjumanida.
"MYU" safida gollarga Amad Diallo, Kazemiro, Brunu Fernandesh va Mateus Kunya mualliflik qildi. Amorim jamoasi hisobidagi ochkolar soni 26 taga etdi va jamoa turnir jadvalida oltinchi o‘rinda bormoqda.
"MYU"ning keyingi raqibi "Aston Villa" bo‘ladi, uning g‘alabali seriyasi 9 o‘yindan beri davom etmoqda.













