"Манчестер Юнайтед" бош мураббийи Рубен Аморим АПЛ 16-туридан ўрин олган "Борнмут"га қарши ўйиннинг якуний натижаси ҳақида фикр билдирди.
Эслатиб ўтамиз, манкунианликлар ўз майдонида 4:4 ҳисобида дуранг қайд этишди.
"Томошабинлар учун томошабоп ўйин бўлди. Биз жуда яхши бошладик, ҳисоб бутунлай бошқача бўлиши керак эди, аммо иккинчи бўлимнинг олти дақиқасида эътиборни йўқотдик - рақиб иккита гол урди. Бундай ўйинларни тугатишни билиш керак," - деди Аморим матбуот анжуманида.
"МЮ" сафида голларга Амад Диалло, Каземиро, Бруну Фернандеш ва Матеус Кунья муаллифлик қилди. Аморим жамоаси ҳисобидаги очколар сони 26 тага этди ва жамоа турнир жадвалида олтинчи ўринда бормоқда.
"МЮ"нинг кейинги рақиби "Астон Вилла" бўлади, унинг ғалабали серияси 9 ўйиндан бери давом этмоқда.
