Angliyaning "Liverpul" klubi himoyachisi Virjil van Deyk o‘z klubi o‘yini haqida fikr bildirdi. Hozirda mersisaydliklar Angliya Premyer-ligasi turnir jadvalida yettinchi, Chempionlar ligasi umumiy bosqichida esa to‘qqizinchi o‘rinni egallab turibdi.
"Men hammamizda vaziyatni o‘zgartirish uchun iroda, buni amalga oshirish uchun xohish va energiya borligini ko‘ryapman. Eng muhimi, maydonda nima bo‘layotgani. Biz aynan shunga ta’sir ko‘rsata olamiz va ta’sir ko‘rsatishni istaymiz.
Biz o‘yinimizda barqarorlikka ega bo‘lishni istaymiz. "Liverpul"da o‘ynagan deyarli butun vaqtim davomida aynan uni kuzataman. Shunchaki shu ruhda davom etishimiz va xotirjamlikni saqlashimiz kerak", - deya van Deykning so‘zlarini keltiradi klub rasmiy sayti.
