Alexandro Garnacho Angliya Liga kubogida "Chelsi"ga "Kardiff Siti"ni mag‘lub etishga yordam berdi va dubl qayd etdi (3:1).
Argentinalik futbolchi uchrashuvning 57 va 93-daqiqalarida raqib darvozasini ishg‘ol qildi. "Ko‘klar"ning yana bir goliga 82-daqiqada Pedru Netu mualliflik qildi, mezbonlarning yagona goliga 75-daqiqada Devid Ternbull mualliflik qildi.
"Kardiff" kuchli harakat qildi. Raqibimiz qaysi ligada o‘ynashi haqida o‘ylamadik. Bu oson bo‘lmadi, lekin biz yarim finalga chiqa oldik va bundan juda xursandmiz.
Zaxiradan maydonga tushganimdan keyin bor kuchim bilan harakat qildim. Ba’zida birinchi daqiqalardanoq o‘ynaysan, ba’zida esa o‘yin davomida maydonga tushishga to‘g‘ri keladi, lekin hech kim bunga e’tibor bermaydi - eng muhimi jamoaga foyda keltirish. Biz bu mavsumda barcha sovrinlar uchun kurashishga harakat qilamiz," - deydi Sky Sports’ga bergan intervyusida o‘yinning eng yaxshi futbolchisi deb topilgan Garnacho.
