Seshanba kuni FIFA talqini bo‘yicha yilning eng yaxshi futbolchilari va murabbiylariga mukofotlar topshirildi. G‘oliblar terma jamoa sardorlari va bosh murabbiylari o‘rtasida ovoz berish yo‘li bilan aniqlandi.

Madridning "Real" klubi a’zosi avstriyalik David Alaba kutilganidek o‘z futbolchilari reytingida birinchi o‘rinni jamoadoshi Kilian Mbappega berdi, ikkinchi va uchinchi pog‘onalardan esa "PSJ" a’zolari Ashraf Hakimiy va Usmon Dembele joy oldi. Eng yaxshi murabbiyga ovoz bergan himoyachi birinchi o‘rinni Arne Slotga ("Liverpul"), ikkinchi o‘rinni Mikel Artetaga ("Arsenal"), uchinchi o‘rinni Roberto Martinesga (Portugaliya terma jamoasi) berdi. Darvozabonlar ro‘yxatida ham syurprizlar yo‘q: jamoadoshi Tibo Kurtua birinchi, Manuel Noyer ("Bavariya") ikkinchi, Janluiji Donnarumma ("Manchester Siti," avvalroq - "PSJ") uchinchi bo‘ldi.

Yilning eng yaxshi futbolchisi sovrini Usmon Dembelega nasib etgan bo‘lsa, murabbiylik va darvozabonlik nominasiyalarida Luis Enrike va Janluiji Donnarumma g‘oliblikni qo‘lga kiritdi.