"Vasko da Gama" hujumchisi Rayan Madridning "Real" klubiga o‘tishi mumkin. Bu haqda Fijaches xabar bermoqda.

Manbaga ko‘ra, "Real" 19 yoshli futbolchining transferi bo‘yicha 50 million yevrolik ilk taklifni tayyorlamoqda.

Avvalroq, "Barselona" allaqachon Braziliya klubiga o‘z taklifini yuborgani haqida xabarlar tarqalgan edi. 2025 yilda Rayan barcha turnirlarni hisobga olgan holda 55 ta o‘yinda maydonga tushib, 20 ta gol urgan.

Shuningdek, uning hisobida bitta golli uzatma bor. Rayanning "Vasko da Gama" bilan shartnomasi 2028 yil oxirigacha mo‘ljallangan.

Qo‘shimcha qilamizki, futbolchining bozor narxi Transfermarkt portali ma’lumotlariga ko‘ra 25 million yevroni tashkil etadi.