"Васко да Гама" ҳужумчиси Райан Мадриднинг "Реал" клубига ўтиши мумкин. Бу ҳақда Fijaches хабар бермоқда.
Манбага кўра, "Реал" 19 ёшли футболчининг трансфери бўйича 50 миллион евролик илк таклифни тайёрламоқда.
Аввалроқ, "Барселона" аллақачон Бразилия клубига ўз таклифини юборгани ҳақида хабарлар тарқалган эди. 2025 йилда Райан барча турнирларни ҳисобга олган ҳолда 55 та ўйинда майдонга тушиб, 20 та гол урган.
Шунингдек, унинг ҳисобида битта голли узатма бор. Райаннинг "Васко да Гама" билан шартномаси 2028 йил охиригача мўлжалланган.
Қўшимча қиламизки, футболчининг бозор нархи Transfermarkt портали маълумотларига кўра 25 миллион еврони ташкил этади.
