Andreas Kristensenning kelajagi masalasida haligacha aniqlik yo‘q, daniyalik himoyachining "Barselona" bilan amaldagi shartnomasi mavsum oxirigacha mo‘ljallangan. Ikki haftadan so‘ng, Kristensen boshqa mamlakatlar klublari bilan erkin muzokaralar olib borishi va hatto dastlabki shartnoma tuzishi mumkin - FIFA qoidalari bunga imkon beradi.

AS xabariga ko‘ra, "Barselona" Kristensenning professionalligini qadrlaydi, ammo unga yangi shartnoma taklif qilishga shoshilmayapti. Kataloniya klubining passivligi boshqa klublar uchun imkoniyatlar ochadi. Masalan, Kristensen Angliyaga qaytishi mumkin - futbolchini anchadan beri "Nyukasl" kuzatib yuribdi.

Manbaning ta’kidlashicha, 29 yoshli Kristensenni Saudiya Arabistonining boy klublari o‘z safiga qo‘shib olishi mumkin.