"PSJ" prezidenti Nosir Al-Helayfi klubning qit’alararo kubokdagi g‘alabasi haqida gapirdi.

Parijliklar finalda "Flamengo"ni mag‘lub etib (1:1, pen. 2:1).

Rossiyalik darvozabon Matvey Safonov penaltilar seriyasida 4 ta seyv amalga oshirdi.

"Biz yilni sovrin (Fransiya Superkubogi) bilan boshladik va uni yana bir sovrin bilan yakunlayapmiz. Bu juda ajoyib.

Oltita chempionlik - klub uchun, Fransiya uchun, muxlislarimiz uchun, Parij uchun tarix. Bizda ajoyib jamoa, ajoyib murabbiy, sport maslahatchisi, xodimlar, eng yaxshi muxlislar bor... Biz haqiqatan ham juda baxtlimiz. Bugun biz chinakamiga faxrlanamiz. Bu yerda, Qatarda g‘alaba qozonish - o‘zgacha narsa.

Safonovmi? Bu juda ajoyib edi. Bizda ikkita top darajadagi darvozabon bor. To‘rtta penaltini qaytarish ajoyib", - dedi Al-Xelayfi.