Hozirda Istanbulning "Galatasaroy" klubida to‘p tepayotgan argentinalik markaziy hujumchi Mauro Ikardi faoliyatini Italiya chempionatida davom ettirish imkoniyatiga ega. Bu haqda insayder Orasio Akkomando xabar bermoqda.

Jurnalistning ma’lumotiga ko‘ra, 32 yoshli hujumchiga da’vogar sifatida A Seriyaning uchta klubi tilga olingan. Ikardining agentlari ushbu klublar bilan muzokaralar olib bormoqda.

Mauroning Turkiya grandi bilan amaldagi mehnat shartnomasi muddati 2025/2026 yilgi mavsum yakunida tugaydi. Uning bozor narxi olti million yevroni tashkil etadi.

Joriy mavsumda forvard Istanbul jamoasi safida 21 ta o‘yin o‘tkazib, 8 ta gol urgan.