Ҳозирда Истанбулнинг "Галатасарой" клубида тўп тепаётган аргентиналик марказий ҳужумчи Мауро Икарди фаолиятини Италия чемпионатида давом эттириш имкониятига эга. Бу ҳақда инсайдер Орацио Аккомандо хабар бермоқда.

Журналистнинг маълумотига кўра, 32 ёшли ҳужумчига даъвогар сифатида А Сериянинг учта клуби тилга олинган. Икардининг агентлари ушбу клублар билан музокаралар олиб бормоқда.

Мауронинг Туркия гранди билан амалдаги меҳнат шартномаси муддати 2025/2026 йилги мавсум якунида тугайди. Унинг бозор нархи олти миллион еврони ташкил этади.

Жорий мавсумда форвард Истанбул жамоаси сафида 21 та ўйин ўтказиб, 8 та гол урган.