Angliyaning "Liverpul" klubi vengriyalik yarim himoyachi Dominik Soboslai bilan yangi shartnoma bo‘yicha muzokaralarni boshladi. Klub bir necha yetakchi klublar e’tiboriga tushgan 25 yoshli futbolchini o‘z safida olib qolmoqchi. Bu haqda Indykaila X ijtimoiy tarmog‘ida xabar berdi.

"Liverpul" asosiy futbolchisini yo‘qotishining oldini olish uchun yaxshilangan shartlar asosida uzoq muddatli shartnoma taklif qilmoqchi. Soboslai klubda qolishga tayyorligini bildirdi, ammo yangi shartnoma uning hozirgi shartnomasidan ancha foydali bo‘lishi kerakligini ta’kidladi.

Joriy mavsumda Soboslai "Liverpul" safida 23 ta o‘yinda maydonga tushdi va 5 ta gol hamda 4 ta golli uzatmaga mualliflik qildi. Uning klub bilan amaldagi shartnomasi 2028 yilga qadar imzolangan. Transfermarkt talqiniga ko‘ra, futbolchining narxi 85 mln yevroni tashkil qiladi.