"Bavariya" va "Manchester Siti" klublari "Chelsi"ning 19 yoshli himoyachisi Josh Achimpong xizmatiga qiziqish bildirmoqda. Bu haqda jurnalist Ben Jeykobs xabar bermoqda.
Manbaga ko‘ra, har ikki grand ham yosh futbolchining o‘yin vaqtini diqqat bilan kuzatib bormoqda. Achimpong top-klublarning qiziqishi ortib borayotganidan xabardor, ammo hozircha "Chelsi"ni tark etish niyatida emas. "Ko‘klar" ham himoyachisi bilan xayrlashmoqchi emas.
Josh Achimpong "Chelsi" tarbiyalanuvchisi hisoblanadi. Uning londonliklar bilan shartnomasi 2029 yilning 30 iyuniga qadar imzolangan. Joriy mavsumda himoyachi "ko‘klar" safida barcha musobaqalarda 12 ta o‘yinda maydonga tushib, 1 ta gol urdi.
