"Бавария" ва "Манчестер Сити" клублари "Челси"нинг 19 ёшли ҳимоячиси Жош Ачимпонг хизматига қизиқиш билдирмоқда. Бу ҳақда журналист Бен Жейкобс хабар бермоқда.

Манбага кўра, ҳар икки гранд ҳам ёш футболчининг ўйин вақтини диққат билан кузатиб бормоқда. Ачимпонг топ-клубларнинг қизиқиши ортиб бораётганидан хабардор, аммо ҳозирча "Челси"ни тарк этиш ниятида эмас. "Кўклар" ҳам ҳимоячиси билан хайрлашмоқчи эмас.

Жош Ачимпонг "Челси" тарбияланувчиси ҳисобланади. Унинг лондонликлар билан шартномаси 2029 йилнинг 30 июнига қадар имзоланган. Жорий мавсумда ҳимоячи "кўклар" сафида барча мусобақаларда 12 та ўйинда майдонга тушиб, 1 та гол урди.