"Chelsi" asosiy tarkibdagi o‘rnini yo‘qotgan hujumchi Nikolas Jeksonni sotmoqchi, u joriy mavsum oxirigacha mo‘ljallangan ijara muddati tugagach, "Bavariya"da qolmaydi. Bu haqda Caught Offside xabar bermoqda.
Manbaga ko‘ra, 24 yoshli forvard uchun "Nyukasl", "Aston Villa" va "Everton" klublari da’vogarlik qiladi. Shuningdek, Madridning "Atletiko" va "Napoli" klublari ham ehtimoliy da’vogarlar qatorida tilga olinmoqda.
Ta’kidlanishicha, Jeksonning ijara shartnomasida myunxenliklar uni 65 mln yevroga sotib olishi mumkinligi ko‘rsatilgan, ammo "Bavariya"ning buni amalga oshirishi dargumon.
Joriy mavsumda senegallik futbolchi barcha musobaqalarda 18 ta o‘yinda maydonga tushib, beshta gol va bitta assistni o‘z hisobiga yozdirib qo‘ydi.
