"Челси" асосий таркибдаги ўрнини йўқотган ҳужумчи Николас Жексонни сотмоқчи, у жорий мавсум охиригача мўлжалланган ижара муддати тугагач, "Бавария"да қолмайди. Бу ҳақда Caught Offside хабар бермоқда.
Манбага кўра, 24 ёшли форвард учун "Ньюкасл", "Астон Вилла" ва "Эвертон" клублари даъвогарлик қилади. Шунингдек, Мадриднинг "Атлетико" ва "Наполи" клублари ҳам эҳтимолий даъвогарлар қаторида тилга олинмоқда.
Таъкидланишича, Жексоннинг ижара шартномасида мюнхенликлар уни 65 млн еврога сотиб олиши мумкинлиги кўрсатилган, аммо "Бавария"нинг буни амалга ошириши даргумон.
Жорий мавсумда сенегаллик футболчи барча мусобақаларда 18 та ўйинда майдонга тушиб, бешта гол ва битта ассистни ўз ҳисобига ёздириб қўйди.
