"Tottenxem"ning sobiq ustozi, 2008-2012 yillarda "shporlar"da ishlagan Xarri Rednapp klubning hozirgi holati haqida fikr bildirdi. "Tottenxem" chempionatdagi so‘nggi 7 o‘yinda atigi 1 g‘alabaga erishdi va bu murabbiy Tomas Frankga tashqi bosimning kuchli bo‘lishiga olib keldi.
"Futbolchilar yuqori darajada emas. Ular yana necha marta murabbiy almashtirishadi? Pochchettino ketgandan beri birining ketidan ikkinchisi kelaverdi. Bu xuddi charxpalakka o‘xshaydi. Ular kelishadi, biroz ishlashadi, keyin yana ketishadi," - deya Rednappning so‘zlarini keltiradi talkSPORT.
Shuningdek, mutaxassis jamoa murabbiylar shtabining raqiblar tomonidan standart vaziyatlarni ijro etishga bo‘lgan yondashuvini tanqid qildi, chunki o‘yinchilar bir xil xatolarni qayta-qayta takrorlaydilar va bu natijaga ta’sir qiladi.
