"Bavariya" himoyachisi Kassiano Kiala jamoadagi ilk o‘yinini o‘tkazdi. 16 yoshli futbolchi "Xaydenxaym"ga (4:0) qarshi o‘yinning so‘nggi daqiqalarida zaxiradan maydonga tushdi. Bayern & Germany ma’lumotlariga ko‘ra, 16 yoshu 344 kunlik Kiala Myunxen grandining Bundesligada Paul Vannerdan (16 yoshu 15 kun) keyin ikkinchi eng yosh debyutantiga aylandi.
Kassiano Kiala 2009 yil 11 yanvarda tug‘ilgan. Asli angolalik bo‘lgan nemis o‘tgan yilning yozida "Gerta"dan "Bavariya" yoshlar akademiyasiga ko‘chib o‘tgandi. Istiqbolli markaziy himoyachining Germaniyaning eng sovrindor klubi bilan amaldagi mehnat shartnomasi 2027 yilning yarmigacha mo‘ljallangan.
