"Бавария" ҳимоячиси Кассиано Киала жамоадаги илк ўйинини ўтказди. 16 ёшли футболчи "Хайденхайм"га (4:0) қарши ўйиннинг сўнгги дақиқаларида захирадан майдонга тушди. Bayern & Germany маълумотларига кўра, 16 ёшу 344 кунлик Киала Мюнхен грандининг Бундеслигада Паул Ваннердан (16 ёшу 15 кун) кейин иккинчи энг ёш дебютантига айланди.
Кассиано Киала 2009 йил 11 январда туғилган. Асли анголалик бўлган немис ўтган йилнинг ёзида "Герта"дан "Бавария" ёшлар академиясига кўчиб ўтганди. Истиқболли марказий ҳимоячининг Германиянинг энг совриндор клуби билан амалдаги меҳнат шартномаси 2027 йилнинг ярмигача мўлжалланган.
