Ingliz himoyachisi Fikayo Tomori o‘tgan yozda klubni boshqarishni o‘z zimmasiga olgan Massimiliano Allegri uni qanday o‘zgartirganini aytib berdi. Eslatib o‘tamiz, Tomori 2021 yil yanvaridan beri "Milan" safida to‘p tepib kelmoqda.

"Endi maydondagi o‘rnimni yaxshiroq tushunib yetdim. U o‘yinni o‘qishda juda katta yordam beradi. Bu oddiy narsaga o‘xshaydi, lekin himoyachi sifatida men bunga haddan tashqari berilib ketmasligim kerak. Bu mavsumda biz yangi darajaga ko‘tarildik. Mavsum yakunida Chempionlar Ligasi zonasiga kirishni juda xohlaymiz, biz u yerda bo‘lishimiz shart," - deb Tomorining so‘zlarini keltiradi Pianetamilan.

A Seriyasining navbatdagi turida "Milan" "Verona"ga qarshi o‘ynaydi, bu uchrashuv 28 dekabr kuni bo‘lib o‘tadi. Hozirda klub A Seriyasida ikkinchi o‘rinni egallab turibdi.