Инглиз ҳимоячиси Фикайо Томори ўтган ёзда клубни бошқаришни ўз зиммасига олган Массимилиано Аллегри уни қандай ўзгартирганини айтиб берди. Эслатиб ўтамиз, Томори 2021 йил январидан бери "Милан" сафида тўп тепиб келмоқда.
"Энди майдондаги ўрнимни яхшироқ тушуниб етдим. У ўйинни ўқишда жуда катта ёрдам беради. Бу оддий нарсага ўхшайди, лекин ҳимоячи сифатида мен бунга ҳаддан ташқари берилиб кетмаслигим керак. Бу мавсумда биз янги даражага кўтарилдик. Мавсум якунида Чемпионлар Лигаси зонасига киришни жуда хоҳлаймиз, биз у ерда бўлишимиз шарт," - деб Томорининг сўзларини келтиради Pianetamilan.
А Сериясининг навбатдаги турида "Милан" "Верона"га қарши ўйнайди, бу учрашув 28 декабрь куни бўлиб ўтади. Ҳозирда клуб А Сериясида иккинчи ўринни эгаллаб турибди.
