"Real Madrid" o‘tgan mavsumda La Ligada televideniye huquqlaridan tushadigan daromad bo‘yicha eng foyda olgan klub bo‘ldi.
Marca nashrining ma’lumotlariga ko‘ra, "qirollik klubi" audiovizual daromadlarni taqsimlashdan olingan mablag‘lar miqdori bo‘yicha reytingda birinchi o‘rinni egalladi. Liga chempionat ishtirokchilari o‘rtasida jami 1,292 milliard yevro taqsimladi.
"Real Madrid" bu summaning eng katta ulushini, ya’ni 157,92 million yevroni oldi. Ularning ortidan asosiy raqibi "Barselona" 156,45 million yevro daromad oldi.
"Atletiko Madrid" esa 108,17 million yevro daromad olib, kuchli uchlikni yakunladi. Shunisi e’tiborga loyiqki, bu uchta klub 100 million yevrolik chegarani buzgan yagona klub bo‘ldi.
