"Реал Мадрид" ўтган мавсумда Ла Лигада телевидение ҳуқуқларидан тушадиган даромад бўйича энг фойда олган клуб бўлди.
Marca нашрининг маълумотларига кўра, "қироллик клуби" аудиовизуал даромадларни тақсимлашдан олинган маблағлар миқдори бўйича рейтингда биринчи ўринни эгаллади. Лига чемпионат иштирокчилари ўртасида жами 1,292 миллиард евро тақсимлади.
"Реал Мадрид" бу сумманинг энг катта улушини, яъни 157,92 миллион еврони олди. Уларнинг ортидан асосий рақиби "Барселона" 156,45 миллион евро даромад олди.
"Атлетико Мадрид" эса 108,17 миллион евро даромад олиб, кучли учликни якунлади. Шуниси эътиборга лойиқки, бу учта клуб 100 миллион евролик чегарани бузган ягона клуб бўлди.
