Londonning "Fulxem" klubi hujumchisi Raul Ximenes penalti tepish bo‘yicha Angliya Premyer-ligasi tarixidagi rekordni takrorladi. Hujumchi 11 ta penaltidan 11 tasini aniq amalga oshirib, "Manchester Siti"ning sobiq yarimhimoyachisi Yaya Turening natijasini takrorladi. Bu haqda Opta X ijtimoiy tarmog‘ida xabar berdi.
Ximenes 34 yoshda, meksikalik hujumchi londonliklar safida 2023 yil yozidan buyon to‘p tepib kelmoqda. Joriy mavsumda tajribali hujumchi barcha musobaqalarda 20 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
Nufuzli "Transfermarkt" internet portali Raulning bozor narxini 4 mln yevroga baholamoqda. Hujumchining "Fulxem" bilan amaldagi shartnomasi 2026 yilning iyunigacha mo‘ljallangan.
