Лондоннинг "Фулхэм" клуби ҳужумчиси Рауль Хименес пенальти тепиш бўйича Англия Премьер-лигаси тарихидаги рекордни такрорлади. Ҳужумчи 11 та пенальтидан 11 тасини аниқ амалга ошириб, "Манчестер Сити"нинг собиқ яримҳимоячиси Яя Туренинг натижасини такрорлади. Бу ҳақда Opta Х ижтимоий тармоғида хабар берди.
Хименес 34 ёшда, мексикалик ҳужумчи лондонликлар сафида 2023 йил ёзидан буён тўп тепиб келмоқда. Жорий мавсумда тажрибали ҳужумчи барча мусобақаларда 20 та ўйинда майдонга тушиб, 4 та гол урди ва 2 та голли узатмани амалга оширди.
Нуфузли "Transfermarkt" интернет портали Раулнинг бозор нархини 4 млн еврога баҳоламоқда. Ҳужумчининг "Фулхэм" билан амалдаги шартномаси 2026 йилнинг июнигача мўлжалланган.
