"Manchester Yunayted" klubi Brunu Fernandeshning "Manchester Siti" bilan derbida ishtirok etishiga umid qilmoqda.
Jamoa sardori APLning 17-turidan o‘rin olgan "Aston Villa"ga (1:2) qarshi o‘yinning 1-bo‘limida yumshoq to‘qimadan jarohat oldi. Brunu taxminan bir oyga safdan chiqishi mumkinligi aytilgandi.
"Yunayted" portugaliyalik futbolchi 17 yanvar kuni "Manchester Siti"ga qarshi bo‘lib o‘tadigan o‘yingacha tiklana olishiga umid qilmoqda. Demak, Fernandesh taxminan 5 ta o‘yinni o‘tkazib yuboradi - "Nyukasl", "Vulverxempton", "Lids", "Byornli" va "Brayton."
31 yoshli futbolchi joriy mavsum APLda 17 ta o‘yinda maydonga tushib, 5 ta gol va 2 ta golli uzatmaga mualliflik qildi.













