"Манчестер Юнайтед" клуби Бруну Фернандешнинг "Манчестер Сити" билан дербида иштирок этишига умид қилмоқда.

Жамоа сардори АПЛнинг 17-туридан ўрин олган "Астон Вилла"га (1:2) қарши ўйиннинг 1-бўлимида юмшоқ тўқимадан жароҳат олди. Бруну тахминан бир ойга сафдан чиқиши мумкинлиги айтилганди.

"Юнайтед" португалиялик футболчи 17 январь куни "Манчестер Сити"га қарши бўлиб ўтадиган ўйингача тиклана олишига умид қилмоқда. Демак, Фернандеш тахминан 5 та ўйинни ўтказиб юборади - "Ньюкасл", "Вулверхэмптон", "Лидс", "Бёрнли" ва "Брайтон."

31 ёшли футболчи жорий мавсум АПЛда 17 та ўйинда майдонга тушиб, 5 та гол ва 2 та голли узатмага муаллифлик қилди.