"Sanderlend" yarim himoyachisi Granit Jaka Xabi Alonso bilan "Bayer"da birga ishlagan vaqtlarini esladi.
Shveysariyalik futbolchi 2023/24 yilgi mavsumda "Bavariya" gegemonligini to‘xtatgan jamoaning muhim qismi edi. Joriy yilning yozida Alonso "dorishunoslar" safini tark etib, Madridning "Real" klubini qabul qilib oldi, ko‘p o‘tmay esa Jaka ham Leverkuzendan ketib, Angliyaga qaytdi.
"Har bir jamoada ego bor, ammo Alonso sen qanchalik nomdor futbolchi ekanliging, transfer narxi qancha ekani bilan hech qachon qiziqmagan. Uni faqat sen maydonda nima ko‘rsata olishing qiziqtirardi. U sening jamoa uchun qanday kurashayotganingni ko‘rishni xohlaydi. Agar sen buni qilsang va yaxshi mashq qilsang - u senga imkoniyat beradi. Bu meni Alonsoda eng ko‘p hayratga soladigan jihat," - deya 33 yoshli xavbekning so‘zlarini keltiradi Madrid Zone.
Ispaniyalik mutaxassis ikki yarim yil davomida "Bayer"da ishlagan.
